1. 馬英九終其尾去到小林村佮村民對話，當馬英九順村民的要求欲佇伊任內完成小林村重建的時陣，瞬間小林村煞表現出歡喜的場面。

2. 我心內咧想，假使小林村滅村是政府的過錯造成的，按呢政府重建是必要的，而且閣愛賠償。假使這是純粹的天災造成的損失呢？

3. 當小林村的村民表現歡喜的瞬間，我想馬英九已經解套矣。假使小林村滅村是政府的過錯，重建本底就是政府的責任，按呢小林村村民有啥物好歡喜的？

4. 敢講小林村村民歡喜是因為心虛嗎？是因為政治的烏手佇馬英九去進前就已經安搭好嗎？

5. 佇選舉的時陣人民會使表現熱情去支持你支持的人，毋閣當選了後人民就愛冷漠監視你選出來的人，予政治人物無法度知影你是毋是像較早仝款咧支持。當你一直表現擁護佮歡喜的時陣，政治人物誠緊就會peh上你的頭殼頂放屎，會共你賣掉閣叫你替伊算錢。